هەواڵ

پۆلێک پەنابەری عێراقی پێش گەیشتنیان بە کەناری ئارام گیانیان لەدەستدا

ناسنامەی ئەو پەنابەرانەی گیانیان لەدەستداوە

لەكاتی پەڕینەوەیان لە كەناراوەكانی دەریای ئیجەی توركیا لەنزیك پارێزگای ئەزمیر ژمارەیەك پەنابەر گیانیان لەدەستداو سەرپەرشتیاری گشتی فیدراسیۆنی پەنابەران لەوبارەیەوە زانیاری ورد دەخاتەڕوو.
ئاری جلال سەرپەرشتیاری گشتی فیدراسیۆنی پەنابەران ڕایگەیەند: ” بەداخەوە بەرەبەیانی ڕۆژی ٩/٨/٢٠١٨ پۆلێك پەنابەری عیراقی كە ژمارەیان 9 پەنابەربوو لە‌دەریای ئیجەدا پێش گەیشتنیان بە كەناراوەكانی یۆنان گیانیان لەدەستدا.
وردەكاری گیانلەدەستدانی ئەو پەنابەرانەشی ئاشكراكردو وتی:” دوای لێكۆلینەوەكانمان دەركەوت، لەلایەن شۆفێری ئەو بەلەمەی كۆچبەرانی تێدابووە، پۆلیسی دەریاوانی توركیا بیندراوە بۆ دەرباز بوونیان و گەیشتنیان بە كەناراوەكانی یۆنان، بەڵام بەهۆی خێرا لێخورینەوە بەلەمەكەیان وەرگەڕاوە.
وتیشی: ” بەهۆی وەرگەڕانی یەختەكەیانەوە ژنێك بەناوی (شەیما عەزیز) كە تەمەن 34 ساڵ لەگەڵ سێ كچی بە ناوەكانی (نەغەم تەمەن 10 ساڵ)، فەرەح تەمەن 8 ساڵ) و (دەلال تەمەن 6 ) ساڵ خنكاون، لەهەمان ڕووداویشدا، گەنجێكی دیكە، خێزانێكی خەڵكی پارێزگای بەسرا كە ئەوانیش پێكهاتون لە دایكێك و سێ كچی نابینا خنكاون.
ئاماژەی بەوەشدا كە شۆفێری یەختەكە ڕزگاری بووەو تەرمی خنكاوەكانیش دۆزراونەتەوە لە پزیشكی دادی لەپارێزگای ئیزمیر دانراون.
لەبارەی هاوكاری و كارئاسانی بۆ كەسوكاری ئەو قوربانیانەو گەڕانەوەی تەرمەكانیانیشیان، ئاری جەلال ئامادەی هەموو جۆرە هاوكاری و كارئاسانیەكیی دەربڕی و ئەوەشی ڕاگەیاند: نوێنەرایەتی فیدراسیۆنی پەنابەران ( كوردە یەشار)مان لێ ئاگاداركردۆتەوە و ڕاستەخۆ لەگەڵ سەفارەتی عێراق قسە كراوە، بەڵام لە ئیستادا چاوەڕوانی زانیاری زیاترین كە لەلایەن پۆلیسی دەریاوانی توركیاوە سەبارەت بەو ڕووداوە بخرێتەڕوو.

زیاتر بخوێنەرەوە

بابەتی دیکە

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Close